الاثنين، 16 يوليو، 2012

الاتساق مع النفس



( حبة كلام كده قبل ما ابدأ الموضوع ده , انا من النوع اللى دماغه بتمر عليها كده شطحات فتلاقينى وقفت كده عند جمله معينه أو موقف معين أو منظر حتى شد انتباهى واخدنى التفكير فيه لدرجة انى ممكن ابدأ التفكير فى موضوع وافضل افكر فيه لفترات طويله جدا تمتد احيانا الى سنين " طبعا زمانكم بتقولوا عليه مجنونعادى ما جبتوش جديد " واروح وارجع لكن الموضوع فى دماغى  والدليل على كده ان الموضوع اللى انا هتكلم فيه النهارده كانت بدايته كلمة قالتها المذيعه منى الشاذلى فى برنامجها " العاشره مساءاً على قناة دريم " بعد الثورة مباشرة يعنى فى فبراير 2011 لما كانت مستضيفه الشاب الجميل : وائل غنيم وقالت معقبه على شخصية وائل : " شايفين اد ايه هو انسان متسق مع نفسه " ومن يومها وانا فكرة الاتساق مع النفس دى هتجننى وبدأ عرق الفلسفة والتفكير يوجعنى ,
 كمان احب اطلب منكم ان اللى  يتخنق من الكلام اللى جاى ده يسيب المدونه بسرعه أما اللى هيقول عليه مجنون وشاطح فده عـــــــــــــــــــــــــــــادى جداًواليكم بالموضوع )
 --------------------------------------------------------------------------------------------------

يلح على عرق الفلسفة احيانا كثيره فتراني افكر في موضوع وأغوص فيه حتى أجدن لا استطيع الفرار من بين يديه وخلال الايام الماضية عادت الى الخواطر الفلسفية مرة اخرى وأغرقني التفكير في بحر النفس وكيفية الاتساق مع النفس فسألت نفسى يعنى ايه  اتساق مع النفس اصلا ؟
اتساق يعنى استواء أو توازى , بمعنى ان يكون الانسان ونفسه متفقان قولا وفعلاً , والتشبيه الفعلى لحالة الاتساق هو قضبان القطار فاشعر ان الانسان ونفسه عندما يكون متسقا معها فانهما يسيران سويا كالقضيبان الذى يسير عليهم القطار  
اذن متى يكون الانسان متسق مع نفسه ؟
لما يكون عارف هو عايز ايه ؟
لما يأدى واجباته زى ما بيطالب بحقوقه ؟
لما يكون محدد اهدافه ومركز عليها كويس ؟
لما يكون عارف فين الصح ويتجه اليه وفين الغلط وبيبعد عنه ؟
طبعا كل اللى فات ده صفات لانسان سوى ومتسق مع نفسه لكن متى يكون العكس ؟ و ارى عدم الاتساق مع النفس يتمثل جليا فى هذا الشخص الذى :
يرى انه الوحيد الصح وكل من حوله مخطئون
يرى ان الحكم على اداءه بالتقصير هو حكم شخصي يصدر من اشخاص غير عادلين
يرى ان القرارات التى تنصب فى مصلحة الاخرين انما كان هو الاحق والاجدر بها
يفرح كثيرا عندما تلم  ضائقه بالأخرين على الرغم من عدم استفادته أو ضرره منها
هوايته الأزلية هى النقد لكل شئ ولأى شى فهو غير راض تماما عن احد فأول ما تقع عينه على الاخرين تقع فى موضع النقد , فهذا ممل وهذا ثرثار وهذه ..... الخ
دائم الفلسفه واعطاء النظريات والتحليلات لكل الاوضاع التى تخصه والتى لا تخصه
عصبى المزاج , سريع الغضب , متسرع فى الرد مما يوقعه فى الكثير من المشاكل

اذن فسيرى بعضكم اننا جميعا اشخاص لا نتسق مع نفوسنا فكثيرا منا يمر بحاله أو بأخرى مما سبق ؟ نعم فجميعنا يمر بوقت ضيق تتضارب فيه الافكار والرؤى وتلتبس علينا الامور حتى انه يكون من الصعب فيه ان نفرق  بين الصواب والخطأ ولكنى اتكلم هنا عن الشخصية  التى تتمثل جميع اركان حياتها فى هذه الصفات .

( اتمنى ان يمن الله علينا ببعض من الاتساق مع النفس والبعد عن التفكير والفلسفة )




هناك 11 تعليقًا:

  1. على فكره ده مش جنان
    النظره الفلسفيه دى اللى بتدى لحياتنا ووجودنا معنى
    احنا عايشين عشان نتأمل فى كل حاجه حوالينا وده بيفرق اوى على شخصيتنا وتفكيرنا
    بيخلى حاجات وارد تكون بسيطه وتعدى على غيرك ولا كأنها حصلت لكن انت بتيجى عندها وتقف وتفكر فيها كويس اوى
    انا بحب النظره الفلسفيه دى جدااا

    فكره الاتساق مع النفس دى مش سهله ابدا على فكره
    يمكن شرحها يكون سهل ونقدر نفهمه بسهوله
    لكن ان الواحد يكون متوازن من جواه كده بتبقى بمراحل كتير
    لان ممكن تعدى مشاكل على الواحد تخلي حاجه فيه اسوء وحاجه احسن
    واحنا هنفضل نعيش ونموت واحنا بنحاول نكون افضل ونتسق مع نفسنا بطريقه احسن

    احيك على الموضوع :))

    ردحذف
    الردود
    1. أولاً: اشكرك على مرورك عبر صفحاتى الذى اتمنى ان يدوم
      ثانيا : النظرة الفلسفيه دى احيانا بيكون تأثيرها مرهق على الوجدان من كتر ما الموضوع مش قادر تهرب منه , لكن طبعا زى ما بتقولى فعلا انها بتدى لحياتنا ووجودنا معنى
      وفعلا الاتساق مع النفس ده عمره ما بييجى بين يوم وليله لكن لازم نعدى على مراحل كتير من مواجهة مشاكل وضغوط
      ونفضل نحاول نروض نفوسنا لحد ما نوصل للأحسن .
      تحياتى لروعة تعليقك ووجودك اللى بجد شرفنى

      حذف
  2. أولا اتمنى ان يمن الله علينا ببعض من الاتساق مع النفس و لا..تاني لا يبعدنا عن التفكير والفلسفة !!
    رائع جدا يا محمد كلامك عن الاتساق مع النفس،وانت اثرت نقاط مهمة و صحيحة تماما،أضيف فقط أن الاتساق مع النفس ربما يعني أيضا صيغة تفاهم بين الانسان و رغباته، بين ما يحبه و ما يكرهه،بين ما يعجبه و ما يخاف منه،بين تعففه و جشعه،بين كل ما به من متناقضات،و كل هذا في اطار علاقته بمن حوله،و بما تحوطه من ظروف سواء أكانت مساعدة و محفذه أو معطلة و محبطة ،..أما عدم الاتساق فهو وارد جدا و هذا ليس معناه اننا فقدنا الطريق الصحيح فنفس الانسان لا تمشي طريق مستقيم بل دوما كل طرقها ملتوية !!و دوما نحن نحاول أن نستقيم و نسير نحو الأفضل..
    أحييك على موضوعك و أفكارك يا صديقي..كل المودة و التحية

    ردحذف
    الردود
    1. كيف يكون لى الرد فى حضرة الفلسفه نفسها
      طبعا كل كلامك عن الاتساق مع النفس فوق رائع
      وطبعا تاخذنا النفس دائما الى طرق ملتويه نحاول نحن معها ان نقومها لتمشى فى الطريق الصحيح
      تحية حب وتقدير واحترام الى صديقى العزيز الذى شرفت بان اتعرف عليه عبر هذه الصفحات

      حذف
  3. فى زحمة الحياة بنفقد أنفسنا ولما بنفتقدها بندور عليها علشان نتصالح معاها

    يارب بس نلاقيها زى ما هى ببرائتها وصدقها

    جميلة الفلسفة والتفكير

    موضوع روووعة
    تحياتى لفكرك وفلسفتك

    ردحذف
    الردود
    1. تحياتى الى الرقه والبراءه فى كلماتك
      فكثيرا ما نفقد انفسنا وكثيرا ما تخالفنا انفسنا لنفترق ولكن الامل حقا اننا عندما نجدها نتحرك سويا فى اتجاه واحد نحو طريق افضل
      تحياتى لوجودك الرائع يا ميرو

      حذف
  4. مساء الورد محمد

    لا أعتقد أن هذا جنون بل قمة العقل الذي يسهل

    حياتنا بشكل كبير عبر عمل توازن داخلي حقيقي

    نحتاجه جداً لنتصالح مع أنفسنا ونبتعد عن الصراعات

    الداخلية التي تحيل حياتنا لجحيم ...

    تحياتي وإحترامي

    ردحذف
    الردود
    1. ابواق عاليه ترتفع الى السماء لتصدح بكل قوتها معلنة قدوم الفارس ( تورتوتوررو رو تو تو تورتوتوررو رو تو تو )
      لم اجد افضل من هذه المقدمه حتى استطيع ان اعبر لك عن مدى سعادتى بوجودك عبر صفحاتى الذى اتمنى ان يدوم

      اما عن العقل فى الاتساق مع النفس فاظنه من كثرة التفكير تحول الى جنون ( ابتسامه )
      ولكن حقا الوصول الى تراض مع النفس يصل بنا توازن حقيقى فى التعامل مع كل الامور .
      تحياتى لوجودك الرائع

      حذف
  5. صباح الغاردينيا محمد
    جميعاً تتضارب أفكارنا مع أنفسنا ونرى أننا في أحيان صح ومن حولنا خطأ وقد يحدث أن نكره كل مانقوم به من عمل ونراه دائماً خطأ والعكس قد يحدث أن نحب كل مانقوم به ونتقبل تصرفاتنا أياً كانت ..ولكن الرائع أن نحب ذاتنا ونتصالح مع أنفسنا حتى نستطيع أن نتقبل الحياة بكل مافيها سواء كان جميل أو مؤلم "
    ؛؛
    ؛
    لم تكن مجنوناً بل كنت رجلاً يحب التأمل ويبدأها من ذاته
    لروحك عبق الغاردينيا
    كانت هنا
    reemaas

    ردحذف
    الردود
    1. ابواق عاليه ترتفع الى السماء لتصدح بكل قوتها معلنة قدوم الاميره( تورتوتوررو رو تو تو تورتوتوررو رو تو تو )
      كالعاده دائما يأتى موكب الاميره بعد دخول الفارس عبر الابواب لترتفع الابواق مرة اخرى وتصدح بدخول الاميرة , وحقا لا اعلم ان كانت صدفه ام قصد دخول الفارس ومن بعده الاميره عبر مدونتى , ولكنى سعيد جدا لوجودكم الذى يشرفنى
      اما الفلسفه فحقا التصالح مع النفس يخلق بداخلنا الرضا الذى يمكننا من تقبل الحياه والتعايش معها
      تحياتى لشذى وجودك الأخاذ

      حذف

كلمات من نور تخرج من احباب كالزهور